1342 Oktober 28. Brieg

Verreichung von Radmeritz an die Johanniter.

In nomine domini amen. Nos Boleslaus dei gratia dux Slezie et dominus Legnicensis ad universorum deferimus nocionem, quod in nostra constituti presencia Beroldus Blianynne cum socru sua Dysa et duobus suis pueris Mikosch et Vlmanno nec non Elska ipsius Beroldi soror relicta Mirkonis cum duobus filiis Pescone et Ditcone nec non soror ipsius altera Beroldi Sophka cum suo marito Theoderico et duobus suis filiis Jakuschone et Ffranczkone sanis mentibus et corporibus, animis deliberatis bonoque suorum amicorum consilio accedente, non compulsi nec illecti nec coacti, sed voluntarie et benevole, non per errorem sed ex certa scientia, nemine reclamante vendiderunt rite et racionabiliter, vnanimes, de consilio et voltibus hylaribus resignaverunt pro centum et septuaginta marcis grossorum ipsis, ut asserebant, integraliter persolutis venerabili et religioso viro fratri Gallo priori ordinis sancti Johannis hospitalis Jerosolimitani per Bohemiam et Poloniam, ementi et recipienti pro se et suo ordine memorato villana seu hereditatem Radmericz dictum (!), in districtu Bregensi sitam, cum agris cultis et incultis, pratis, silvis, mericis, nemoribus, rubetis, pascuis porcorum in glandibus et aliorum animalium cum venacionibus ferarum et beluarum, cum piscaturis et mellificiis circa Oderam, que dicitur Langh, et in merica vel burra, que in hereditate de Popelow et de Croscicz ad nostrum dominium pertinent, sicut mellifices operari possunt, quod pezna in polonico dicitur, ita remote nullo contradicente, sicut predicte ville Radmericz incole olim possiderunt inter terminos de Swanewicz usque in rivolum, qui Bronewicz dicitur, et ibi, ubi ingreditur idem Bronewicz, Nisam, vtrumque littus Nise usque ad Oderam, ex alia vero parte Odere a media prezzelza usque burram, Oderam vero cum utroque littore de Swanewicz usque Borowicz cum omni libera piscatura, sicut nostri principatus dominium conswevit, libere possidere, cumque naulo, quod vulgariter vere dicitur, trans Oderam habendo et cum molendino ibidem in Odera construendo cumque omnibus et singulis utilitatibus et usufructibus, que in eadem villa Radmericz cum omnibus suis appendiis inveniri possunt et in futuris succrescere videbuntur, sicut eandem villani dictus Beroldus et sui amici prefati et eorum precessores bactenus possiderunt, et sicut ab antiquo in suis gadibus et terminis circumferencialiter est distincta, liberam et solutam ab omnibus exaccionibus pecunie et annone, pecunie monetalis, ab omnibusque petitionibus generalibus et specialibus auxiliisque et a iuris Polonici nostrorumque judicum universorum et camerariorum angariis penitus exclusam in ewum et temporibus perpetuis vere nomine proprietatis pacifice possidendam. Qui Beroldus et sui amici prefati omnes vnanimiter et benevole renuncciaverunt et abdicaverunt penitus et precipue omnibus et singulis impeticionibus, repeticionibus seu iurisdictionibus, que eis in iure canonico vel civili vel quovis alio in dicta villa Radmericz et omnibus eis appendiis eorumque sequacibus competunt in presentia vel competere possent quandolibet in futurum. Nos vero easdem vendicionem, resignacionem et abdicacionem gratas habentes et ratas contulimus ex partis utriusque precibus studiosis predictam villam Radmericz cum omnibus et singulis suis vsibus, vtilitatibus libertatibusque, condicionibus et gratiis antedictis prefato fratri Gallo et suo ordini memorato in ewum et temporibus perpetuis absque omni serviciorum onere vere proprietatis tytulo possidendam, vendendam, donandam, obligandam et in usus quoslibet voluntarios convertendam, absolventes ex nostra gratia speciali temporibus perpetuis eundem fratrem Gallum et suum ordinem antedictum a servicio equi dextrarialis, quod nostris heredibus et nobis de predicta villa Radmericz facere debuissent, dantes eis omnem jurisdictionem omniaque dominia et jura nostra, quocunque nomine vocitentur, sive sint suprema seu infima, que in eadem villa et omnibus eis appendiis et usibus nos et nostri posteri potuissemus in perpetuum habuisse nullis nobis et nostris sequacibus iudiciis, jure, jurisdictionibus et utilitatibus ibidem penitus reservatis seu eciam serviciis quibuscunque, volentes nichilominus, ut omnimoda in eisdem bonis, quam nostri principatus dominium solet habere, gaudeant in perpetuum libertate, et ut in eisdem bonis et aquis predictis construent et edificent molendina et alia quecunque edificia, que vtilius ipsi et predicto ordini videbuntur secundum eorum libitum voluntatum, volentesque, ut bonis dicte ville Radmericz cypus et patibulum construantur pro maleficiis tam in Radmericz quam eciam in Lossow proprio et eius villis omnibus a nunc capiendis in perpetuum puniendis seu eciam iudicandis. De iudicandis autem in Radmericz pro quacunque causa parva vel magna advocatus provincialis in Brega nichil iuris et vtilitatis habebit, de captis maleficis vero in Lossow et villis sibi constrictis in causis manum vel collum tangentibus seu privantibus ipse advocatus provincialis habebit quintum denarium pro sua porcione, prout ex antiquo est de speciali gracia a nostris progenitoribus institutum, volentes circa hoc, ut talis, qui commendator in Lossow fuerit, plenam et omnimodam presidente iudicio presente vel absente predicto advocato provinciali habeat facultatem. Ceterum si aliquis in Lossow in omnibus eius villis in furto vel in alio delicto criminoso, pro quo ad mortem iudicandus extiterit, fuerit deprehensus et de eodem provincialis advocatus per scultetum talis ville fuerit informatus, si ipse advocatus infra triduum ad ipsum locum, ad quem vocatus fuerit, venire neglexerit, predictus comendator irrequisito advocato provinciali salvo jure ipsius advocati secundum iuris exigenciam libere poterit ad eundem indicare. Preterea si in dictis villis proprii Lossow wlneratus vel Iesus fuerit, quam Iesionem vel offensam quamcunque criminosam aliam sibi illatam sub iuris forma maioris repetere posset et eam sub minoris iuris forma concipit, quam eciam reus mettercius iuramentis, prout moderna eciam iuris postulat consuetudo, posset evadere de repeticione pene, emende seu satisfaccionis hujus lesionis et offense, ipsum advocatum excludimus et ammovemus penitus in hiis scriptis. Ceterum ad quoscunque in omnibus hiis villis Lossow et ad eam pertinentibus fuerit iudicatum in causis mortis seu manum vel collum tangentibus, hii sunt in Radmericz et non alibi in perpetuum pro suorum qualitate meritorum puniendi. Ut autem predicta omnia robur perpetuum valeant obtinere, presentes nostro dedimus sub sigillo. Datum et actum Brege die beatorum Symonis et Jude apostolorum, presentibus Stephane de Parchewicz, Henzone Guntheri et Mirsano fratribus de Pogrella, Wiskone Schiltberg, Johanne Knuer, Ottone Malticz, Schencone de Apold et Nicolao nostro notario, anno domini millesimo CCC°XL. secundo.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.